Vefstúdíó og markaðsstofa

Birna er búin að vinna einstaklega faglega og metnaðarfulla vinnu fyrir okkur hjá Gólfefnabúðinni. Við erum afar ánægð með að hafa fengið hana til liðs við okkur og gefum henni okkar bestu meðmæli.​

Mennta- og barnamálaráðuneyti leitaði til Birnu hjá Character í tengslum við hönnun á heimasíðu, lógói og markaðsefni fyrir alþjóðlegan leiðtogafund um málefni kennara sem haldinn var á Íslandi vorið 2025. Samstarfið við Birnu var frábært í alla staði. Hún er fagmanneskja fram í fingurgóma, með gott auga fyrir fallegri framsetningu, lausnamiðuð, sveigjanleg og fljót að bregðast við. Við getum heils hugar mælt með þjónustu Character.

Það var Birna María Björnsdóttir, stafrænn hönnuður og eigandi Character vefstúdíó, sem á allan heiður að hönnun og uppsetningu á vefnum og viljum við þakka henni frábært samstarf.

Samstarfið við Birnu og Character skilaði að okkar mati mjög öflugri síðu sem mun nýtast íþróttafólki, þjálfurum og foreldrum á Íslandi um ókomin ár. Birna var mjög skipulögð, þolinmóð og fagleg á meðan vinnunni stóð. Við gefum henni hiklaust okkar bestu meðmæli og þökkum fyrir hennar öfluga framlag.

Birna bjó til nýjan vef fyrir Almannaheill. Þar voru sameinuð tvö úr sér gengin svæði í eitt. Það var æðislegt að vinna með Birnu frá fyrstu samskiptum. Hún vann með Almannaheillum að því að skerpa áherslur, samræma vinnubrögð og færa stafræna miðlun inn í nútímann.

Vinna um hönnun og uppsetningu á nýjum vef Senu gekk vel og við hjá Senu erum mjög ánægð með samstarfið við Birnu hjá Character vefstúdíó. Við erum himinlifandi með nýja vefsvæðið sem endurspeglar fjölbreytta starfsemi Senu, metnað og framkvæmdagleði á sviði viðburðahalds fyrir bæði fyrirtæki og einstaklinga.

Hönnun og uppsetning á nýjum fyrirtækjavef Belgings gekk eins og í sögu. Vefurinn er núna mun einfaldari og stílhreinni og dregur fram lykilupplýsingar á hnitmiðaðan máta. Sagnfræðihornið er svo skemmtileg viðbót til að koma að örsögum um hin ýmsu verkefni sem við höfum unnið í gegnum tíðina.

Við hjá Glersýn þökkum fyrir framúrskarandi þjónustu á sviði vefhönnunar og markaðsmála. Birna er algjör snillingur og við gefum henni okkar bestu meðmæli.

Loksins rættist draumurinn um vefsíðu sem endurspeglaði áherslur mínar og persónuleika og inniheldur allt sem þarf fyrir fyrirtækið mitt Huglind. Birna hjá Character er í senn skipulögð og öguð, hugmyndarík og hæf og það skilaði allskonar skemmtilegum útfærslum og virkni og ekki síst því að síðan varð að veruleika á fáeinum vikum. Svo, já ég mæli með drifkrafti hennar, hæfni og hugmyndum.