Um Character

Ég hef starfað við vef- og markaðsmál með einum eða öðrum hætti frá 2003 og hef víðtæka reynslu af vinnslu á sölu- og markaðsefni frá hinum ýmsu hliðum.

Í verkfærakistunni minni er að finna öll helstu forrit og þjónustur sem tengjast stafrænni markaðssetningu, vefhönnun og myndvinnslu. Ég hef bætt við mig fjölda námskeiða til viðbótar við háskólanámið og er fljót að tileinka mér ný vinnubrögð. Einnig hef ég mikla reynslu af verkefnastýringu, rekstri og áætlunargerð. 

Ég hef starfað við að markaðssetja ólíkar vörur og þjónustur hjá fyrirtækjum víðsvegar að í atvinnulífinu.

Einnig bý ég yfir víðtækri reynslu af tónleikahaldi og viðburðastjórnun, en ég hef sett upp og haldið utan um fjölda smærri og stærri viðburða eins og starfsdaga, árshátíða og hvataferða á vegum fyrri vinnuveitenda.

Þessi fjölbreytti bakgrunnur gerir mér kleift að setja mig í spor annarra og sjá tækifærin frá sjónarhóli þess sem ég starfa fyrir hverju sinni. Þetta hefur reynst mér verðmætur eiginleiki sem mínir viðskiptavinir kunna vel að meta.

Útivist, golf, fjallahjólreiðar og skíði eru áhugamálin utan vinnunnar. Þar hleð ég orkubirgðirnar og fæ mínar bestu hugmyndir.