Umönnun

Viðhalds- og þjónustuleiðir fyrir WordPress vefinn þinn

Veldu í áskrift

Af hverju ætti ég að hafa vefsíðuna mína í mánaðarlegri umönnun?

Að viðhalda vefsíðum ekki reglulega er eins og að eiga bíl en sinna honum ekki, trassa þjónustuskoðanir og sleppa þrifunum. Bíllinn verður fljótt sjúskaður og subbulegur, byrjar að ryðga og skemmast – og á endanum bilar hann.

Það sama gildir um WordPress síðuna þína.

Litla síðan

Hentar vel litlum fyrirtækjum, einyrkjum og félagasamtökum með litla þörf fyrir uppfærslu á efnistökum. Ekki fyrir vefverslanir.
Kr. 4.990 plús VSK
  • Reglulegar kerfisuppfærslur
    Á WordPress, vefsniði og viðbótum
  • Uppfærsla á efnistökum
    Textabreytingar, myndaútskiptingar eða minniháttar lagfæringar (Allt að 30 mín á mánuði)
  • Aðstoð
    Þjónusta í gegnum tölvupóst
  • Vöktun á uppitíma
    Vefstjóri fær viðvörun ef síða liggur niðri
  • Öryggisskönnun
    Síða skönnuð fyrir vírusum og netpöddum
  • Hlekkir 
    Síða skönnuð fyrir brotnum hlekkjum
  • Keyptar viðbætur
    Endurnýjun á leyfum v. keyptra viðbóta
  • Google Analytics
    Síða tengd við Google Analytics og
    GA skjáborð sett upp í WordPress
  • Vikuleg samantekt á GA tölfræði
    Vikuleg samantekt á tölfræði frá Google Analytics
    send í tölvupósti til stjórnenda
  • Vöktun á leitarorðum
    Vöktun á leitarorðum sett upp og samanburður
    við helstu samkeppnisaðila
  • Mánaðarleg skýrsla
    Yfirlit yfir veitta umönnun

Klassíska síðan

Hentar vel fyrirtækjum sem hafa þörf fyrir uppfærslu á efnistökum og vilja hafa auga með frammistöðu eða vefverslun með allt að 40 vörur
Kr. 9.990 plús VSK
  • Reglulegar kerfisuppfærslur
    Á WordPress, vefsniði og viðbótum
  • Uppfærsla á efnistökum
    Textabreytingar, myndaútskiptingar eða minniháttar lagfæringar (Allt að 60 mín á mánuði)
  • Aðstoð
    Þjónusta í gegnum tölvupóst
  • Vöktun á uppitíma
    Vefstjóri fær viðvörun ef síða liggur niðri
  • Öryggisskönnun
    Síða skönnuð fyrir vírusum og netpöddum
  • Hlekkir 
    Síða skönnuð fyrir brotnum hlekkjum
  • Keyptar viðbætur
    Endurnýjun á leyfum v. keyptra viðbóta
  • Google Analytics
    Síða tengd við Google Analytics og
    GA skjáborð sett upp í WordPress
  • Vikuleg samantekt á GA tölfræði
    Vikuleg samantekt á tölfræði frá Google Analytics
    send í tölvupósti til stjórnenda
  • Vöktun á leitarorðum
    Vöktun á leitarorðum sett upp og samanburður
    við helstu samkeppnisaðila
  • Mánaðarleg skýrsla
    Yfirlit yfir veitta ummönnun

Umönnun -

Reglulegar kerfisuppfærslur

Til að hámarka öryggi og frammistöðu vefsins og til að lágmarka áhættuna á því að vefurinn verði fyrir netárásum í gegnum úrelta kerfishluta eru reglulegar uppfærslur á Word Press vefumsjónarkerfinu, uppsetu vefsniði og viðbótum algjört lykilatriði.

Sá hinn sami og setur vefsíðuna upp er án alls vafa best til þess fallinn að framkvæma þessa vinnu þar sem að handtökin við uppsetningu síðunnar eru mörg og þræðirnir fjölmargir sem að halda þarf utan um.

Öll tilboð sem gerð eru hjá Character vefstúdíó miðast við að síða fari í reglubundið viðhald að uppsetningu lokinni.

Það er til lítils að fjárfesta bæði tíma og fjármunum í að setja upp fallega og fagmannlega unna vefsíðu - og láta hana svo drabbast niður. Þess vegna skiptir mánaðarlegt viðhald á vefsíðunni þinni öllu mál.

Öryggisskönnun

Það versta við netpöddur (e. malware) er að þær geta lúrt á vefnum þínum svo vikum og mánuðum skiptir án þess að þú vitir af því. Það þarf að sýna frumkvæði og árverkni og athuga reglulega hvort öryggisveikleikar leynist í uppsetu vefsniði eða viðbótum.

Þess vegna er mikilvægt að viðhafa reglulega öryggisskönnun. Síður í umönnun eru skannaðar reglulega fyrir slíkum óværum. Einnig er skannað fyrir því hvort að vefsíðan hefur lent á svarta listanum á internetinu (e. blacklisted). Ef að upp kemst um pöddu er gripið strax til viðeigandi aðgerða til að lágmarka vesenið.

Þrátt fyrir þetta getum við ekki sagt með 100% vissu um að síðan verði ekki fyrir slíkri árás - en við gerum allt sem við getum til að tryggja að svo verði ekki. Með því að hugsa reglulega um síðuna vonumst við til að uppgötva mögulegar óværur áður en allt fer á versta veg.

Uppfærsla á efnistökum

Eftir að síða hefur verið sett upp getur alltaf komið til þess að uppfæra þurfi texta eða skipta út myndum, enda er það eðli fyrirtækja að starfsemin þróast og tekur breytingum, þjónustuframboð breytist og starfsmenn koma og fara.

Textabreytingar, myndaútskiptingar og minniháttar lagfæringar eru innifaldar* í mánaðargjaldi Litlu (30 mín**) og Klassísku (60 mín**).

Fari umbeðin vinna fram yfir áætlaðan tíma á mánuði er sendur reikningur fyrir þeirri vinnu.

*Á ekki við um breytingar á útliti eða virkni síðunnar.
**Flyst ekki á milli mánaða.

Aðstoð

Þjónusta varðandi uppfærslur á efnistökum er eingöngu veitt í gegnum tölvupóst.

Beiðnir þarf að senda á netfangið character(@)character.is þar sem koma fram með skýrum hætti þær breytingar sem óskað er eftir og þau gögn sem óskað er eftir að sett séu inn á síðuna látin fylgja með.

Efnistök eru uppfærð í þeirri röð sem beiðnir berast.

Gera má ráð fyrir að það geti tekið allt að fimm virkum dögum að fá efnið uppfært sé álag mikið, en reynt er að bregðast við eins fljótt og auðið er.

Vöktun á uppitíma

Vefstjóri Character vefstúdíó fær viðvörun ef vefsíða liggur niðri og hefst handa við að athuga hvar rót vandans liggur.

Stundum hefur eigandi vefsíðunnar gleymt að greiða reikninga vegna léns eða hýsingar, en einnig getur eitthvað hafa komið upp hjá hýsingaraðila síðunnar.

Hlekkir

Síðurnar eru skannaðar reglulega fyrir brotnum hlekkjum og þeir uppfærðir til að ekki sé verið að vísa í "dauða" hlekki.

Stundum breytast hlekkir hjá aðilanum sem vísað er í og hefur það ekkert með uppsetninguna að gera, sem að væntanlega var rétt á þeim tíma sem síðan var sett upp.

Google Analytics

Síður í Klassíska eru tengdar við Google Analytics reikning viðkomandi einstaklings eða fyrirtækis. Handhægt skjáborð er sett upp í WordPress sem auðveldar aðgengi að þeirri tölfræði sem Google Analytics safnar. Þar er hægt að sjá allar lykiltölur á einum stað.

Þetta auðveldar stjórendum og umsjónarmönnum síðunnar að nálgast upplýsingarnar án þess að þurfa að skrá sig inn á viðkomandi GA reikning.

Samantekt á GA tölfræði

Vikuleg samantekt á tölfræði sem Google Analytics safnar saman er send í tölvupósti til stjórnenda. Samantektin inniheldur til að mynda fjölda heimsókna, hvaða síður eru mest skoðaðar, tími sem notandi ver á síðunni, frá hvaða landi, úr hvaða tæki / stýrikerfi o.mfl.

Fyrir þá sem hafa áhuga á að fylgjast með umferð á síðuna sína er þetta mikil hagræðing þar sem ekki þarf að skrá sig inn á Google Analytics síðuna sjálfa eða inn í WordPress.

Vöktun á leitarorðum

Leitarorð sett upp í samvinnu við eigendur síðunnar og samanburði við helstu samkeppnisaðila stillt upp.

Niðurstöður birtast í mánaðarlegri skýrslu.

Skýrsla vegna umönnunar

Mánaðarlegt yfirlit er sent á tölvupósti til eigenda síðunnar yfir þá umönnun sem veitt hefur verið varðandi kerfisuppfærslur, vefsnið, viðbætur, uppitíma, öryggisskönnun, tölfræði, skönnun á hlekkjum og vöktun á leitarorðum þar sem það á við.

Keyptar viðbætur

Að byggja WordPress vefsíður er svolítið eins og að byggja úr Legó kubbum. Hvað þú getur byggt fer alveg eftir því hvaða kubba þú ert með í höndunum. Vefumsjónarkerfið (CSM) sjálft er grunnurinn (kubbaplatan), það er frítt og open source kerfi, en til þess að fá fram þá virkni sem óskað er eftir þarf að byggja hvern vef upp með tilliti til þess sem hann á að geta gert. Til þess þarf ólíka grind og kubba.

Þegar búið er að setja upp WordPress vefumsjónarkerfið þarf að velja vefsnið (e. Theme), sem ræður að miklu leiti því í hvaða umhverfi vefhönnuðurinn starfar í (grindin). Þar er mikilvægt að vanda til verka því að síða sem er byggð upp á lélegu vefsniði gerir alla viðhaldsvinnu erfiðari og takmarkar framsetningarmöguleika þess sem setur síðuna upp og sinnir henni.

Allar vefsíður sem settar eru upp af Character vefstúdíó skarta úrvals vefsniði (e. Premium Theme) og eru uppfærð reglulega, bæði í Litla og Klassíska. Notkun á úrvals vefsniði tryggir það að reglulega bætast inn nýjir framsetningarmöguleikar og nýjum áskorunum í öryggismálum á hinu síbreytilega interneti er svarað.

Það sama gildir um viðbætur (e. Plugins), sem eru sjálft byggingarefnið (legókubbarnir) sem síðan er byggð úr. Úr þeim er virknin sem óskað er eftir byggð úr. Sumar óskir er hægt að leysa með fríum viðbótum sem eru öllum opnar, en til þess að leysa aðrar óskir þarf að kaupa leyfi fyrir keyptum viðbótum (e. Pro / Premium Plugins). Oft eru viðbætur líka þannig að það er hægt að gera eitthvað takmarkað með því að nota fríu útgáfuna (e. free version) - en svo þarf að greiða fyrir það að opna á alla þá möguleika sem í boði eru (e. Pro / Paid version).

Keypt leyfi eru svo þannig að þau þarf að endurnýja á hverju ári til þess að viðhalda virkninni og fá aðgang að uppfærslum. Ef þessi leyfi eru ekki endurnýjuð þá hætta viðbæturnar að virka og virknin sem óskað er eftir dettur út. Þegar búið er að byggja upp vefsíðu sem skartar fjölmörgum keyptum viðbótum, þá kemur til kostnaður á hverju ári við að endurnýja þessi leyfi. Þessi viðhaldskostnaður er innifalinn í Klassíska, en ekki í Litla.

Þessi atriði eru partur af okkar þjónustu

Hýsing á vefsíðu og tölvupósti

Character vefstúdíó býður ekki upp á hýsingar á vefsíðum eða tölvupósti og er ekki þjónustuaðili fyrir slíka þjónustu.

Það er undir hverjum og einum að velja sér sinn hýsingaraðila, en viðskiptavinir Character vefstúdíó eiga kost á 30% afslátt af hýsingu hjá vefhýsingarfyriritækinu 1984.

Margir velja að hafa tölvupóstinn sinn hjá Google, G-suite eða öðrum fyrirtækjalausnum. Sérhæfðir aðilar taka að sér að aðstoða við uppsetningu á slíkum kerfum.

Öryggisafritun

Þrátt fyrir að ýtrustu varúðar sé gætt gæti vefurinn orðið fyrir netárás, vandamál komið upp hjá hýsingaraðila eða stúrinn starfsmaður sett allt í bál og brand við starfslok.

Það er því mikilvægt að eiga regluleg afrit af síðunni sem hægt er að nálgast þannig að enduruppsetning sé möguleg.

Ábyrgð á öryggisafritun liggur hjá eiganda vefsíðunnar og viðkomandi hýsingaraðila og er mikilvægt að hver og einn kynni sér þau mál vel hjá viðeigandi aðila.