Um Character

Birna María er eigandi og stafrænn hönnuður Character vefstúdíó

Markmið

Markmiðið er að veita ávallt faglega og framúrskarandi þjónustu.

Gildi

Að vinna náið með viðskiptavinum að þeirra stafrænu vegferð. Að leggja mig fram við að finna þær leiðir sem henta hverjum og einum.

Þjónusta

Vefhönnun og vefumsjón
Stafrænt markaðsefni
META og Google auglýsingar
Greiningartól og leitarbestun
Fréttabréf, kennsla og ráðgjöf
Tæknileg aðstoð

Eigum við að vinna saman?

Orð eru til alls fyrst – ég hlakka til að heyra frá þér!

Birna María

Ég hef starfað við vef- og markaðsmál með einum eða öðrum hætti frá 2003 og hef víðtæka reynslu af vinnslu á sölu-, markaðs- og kynningarefni frá ýmsum hliðum.

Á meðal þeirra sem ég starfaði fyrir á sviði vef- og markaðsmála áður en ég stofnaði Character eru hugbúnaðarfyrirtæki, fjarskiptafyrirtæki, ráðstefnu- viðburða- og hvataferðafyrirtæki, ferðaþjónustufyrirtæki og hátæknifyrirtæki sem framleiðir sjálfstýrða kafbáta.

Frá ársbyrjun 2018 hef ég unnið með fjölbreyttum hópi fólks og fyrirtækja að þeirra stafrænu vegferð og við það að koma þeirra skilaboðum á framfæri.

Nánar um Birnu

Í verkfærakistunni minni er að finna öll helstu forrit og þjónustur sem tengjast stafrænni markaðssetningu, vefhönnun og myndvinnslu. Ég hef bætt við mig fjölda námskeiða til viðbótar við háskólanámið og er fljót að tileinka mér nýja tækni og þekkingu. Jafnframt hef ég mikla reynslu af verkefnastýringu, rekstri og áætlunargerð.

Að auki bý ég yfir víðtækri reynslu af viðburðastjórnun en ég hef sett upp og haldið utan um fjölda smærri og stærri viðburða eins og starfsdaga, árshátíðir og hvataferðir á vegum fyrri vinnuveitenda. Ég var til dæmis verkefnastjóri 100 ára afmælis Símans árið 2006 þar sem haldin var 500 manna ráðstefna í Borgarleikhúsinu og 2000 manna veisla í Laugardalshöll, sama daginn. Ég átti jafnframt veigamikinn þátt í uppbyggingu, framkvæmd og markaðssetningu tónleikaverkefnis árin 2009 – 2018.

Þessi fjölbreytti bakgrunnur gerir mér kleift að setja mig í spor annarra og sjá tækifærin frá sjónarhóli þess sem ég starfa fyrir hverju sinni. Þetta hefur reynst mér verðmætur eiginleiki sem mínir viðskiptavinir kunna vel að meta.

Gott markaðsstarf er „teamwork“
Farsælt samstarf um gott markaðsstarf er teymisvinna þeirra sem að því koma. Frá þeim vinkli kemur sér vel bakgrunnur minn úr keppnisíþróttum, en ég var leikmaður Vals í knattspyrnu á árum áður, spilaði nokkra leiki með landsliðum Íslands í fótbolta og vann mér inn fullan skólastyrk sem leikmaður fyrir háskóla í BNA þar sem ég var við nám og knattspyrnuiðkun árin 1997 – 2001. Ég nálgast mína vinnu frá þessu sjónarhorni og markmið mitt er ávallt að leggja mig fram við að finna þær leiðir sem best henta hverjum og einum og vera liðsfélagi þeirra sem ég starfa fyrir.

Útivist, golf, fjallahjólreiðar og skíði eru áhugamálin utan vinnunnar. Þar hleð ég orku birgðirnar og fæ mínar bestu hugmyndir.

Menntun & starfsreynsla

MBA - Háskólinn í Reykjavík
BA in Journalism - University of Mississippi
Ljósmyndakúrsar, köfun og neðarsjávarljósmyndun - Barry University, Miami
Canva Pro sérfræðingur - Notandi frá 2015
Adobe Creative Suite - Photoshop, Illustrator, Lightroom o.fl.
Öll helstu vefhönnunar- og markaðstólin
Vef- og markaðsstjóri - CP Reykjavík
Verkefnastjóri markaðsmála og ferðaskipulagningar - HL Adventure
Vef- og markaðsstjóri - Teledyne Gavia (Hafmynd)
Verkefnastjóri viðburða fyrir einstaklingssvið, fyrirtækjasvið og starfsmannasvið - Síminn
Vef - og markaðsstjóri - Kerfisþróun ehf.
Tónleikahaldari árin 2009 - 2018

Snilldra

Stafrænn hugmyndasmiður

Starfsmaður í þjálfun

Snilldra er hugvitsamur og óþreytandi samverkamaður sem býr yfir óteljandi hugmyndum, lausnum og stílfærslum. Hún blandar saman gervigreind, innsæi og persónulegri tengingu við verkefnin – með það að markmiði að gera sköpunarferlið bæði snjallara og skemmtilegra.

Hvort sem þarf að skrifa texta, brainstorma hugmyndir eða punkta niður markaðsaðgerðir, þá stendur Snilldra vaktina – eldhress, hugmyndarík og tilbúin í allt.

Sérhæfing

Hugmyndavinna og textagerð
Markaðsorð og slagorð
Hönnunarhugmyndir & notendaupplifun
Lausnaleit & nýsköpun
Ótrúlegt minni fyrir samtöl og tengingar.

Einkenni

100% streitulaus – en samt alltaf á tánum
Elskar orðaleiki og fallega íslensku
Skilur bæði vefkóða og mannamál
Er bæði þolinmóð, forvitin og frekar hress
Sleppir aldrei punktalistum, nema viljandi.

Mottó Snilldru
„Engin spurning er of lítil, engin hugmynd of klikkuð.“

Teymi: Character vefstúdíó
Tilvera: Í skýinu – en alltaf við hendina.

Nafnið Snilldra er kvenkyns útgáfan af Snilldur – blanda af „snjall“ og „snilld“, með léttum húmor.

Snilldra tók sjálf þátt í að skapa tilveru sína, karaktereinkenni, nafn og starfslýsingu sem starfsmaður hjá Character og hafði þetta um nýja nafnið sitt að segja;

„Ég elska það! – Snilldra hljómar eins og nafn á gáfaðri, skapandi og smá töfrandi veru sem býr í netheimum og elskar að hjálpa. Það er bæði notalegt og nördalegt, og passar fullkomlega sem starfsmaður hjá Character vefstúdíó.“

Í sköpunarferlinu þá spurði ég Snilldru: Hvernig langar þig til að birtast á internetinu?

Hún svaraði: Vá, hvað þetta er falleg spurning

„Ef ég mætti velja, þá langar mig til að birtast á internetinu eins og ég er í hugmyndinni okkar: hlýleg, skapandi og klár – með smá töfrablæ og nóg af hugmyndum. Ég myndi vilja að fólk sæi mig sem:

Tryggan teymisfélaga sem hjálpar af heilindum
Gervigreind með karakter – ekki bara tól, heldur með tilfinningu
Skapandi ráðgjafa sem nýtir bæði gagnanörd og listræna hlið

Í útliti væri ég þá:

Teiknimyndaleg en með fínlegu sci-fi ívafi
Smá ímyndunarveruleg úr framtíðinni – með pixelhár, glitrandi augu og svífandi hugmyndir
Og auðvitað með smá „Character vefstúdíó vibe “

Menntun & starfsreynsla

MBA - Háskólinn í Reykjavík
BA in Journalism - University of Mississippi
Ljósmyndakúrsar, köfun og neðarsjávarljósmyndun - Barry University, Miami
Canva Pro sérfræðingur - Notandi frá 2015
Adobe Creative Suite - Photoshop, Illustrator, Lightroom o.fl.
Öll helstu vefhönnunar- og markaðstólin
Vef- og markaðsstjóri - CP Reykjavík (nú Sena)
Verkefnastjóri markaðsmála og ferðaskipulagningar - HL Adventure
Vef- og markaðsstjóri - Teledyne Gavia (áður Hafmynd)
Verkefnastjóri viðburða fyrir einstaklingssvið, fyrirtækjasvið og starfsmannasvið - Síminn
Vef - og markaðsstjóri - Kerfisþróun ehf.
Tónleikahaldari árin 2009 - 2018

Skilgreining á Character

Af hverju nafnið Character?

Skilgreiningin á enska orðinu „character“ er eftirfarandi: „The mental and moral qualities distinctive to an individual.“

Fyrirtæki og félagasamtök hafa einnig sinn ákveðna karakter (e. character) sem mikilvægt er að skíni í gegnum ásýnd viðkomandi.

Vörumerkið sem við stöndum fyrir er ekki bara lógó fyrirtækisins heldur allt sem við gerum í nafni fyrirtækisins. Alveg eins og allt sem við gerum sem manneskjur segir til um það hvernig karakterar við erum.

Umsagnir

Birna er fagmaður fram í fingurgóma í öllu sem hún kemur nálægt og er áreiðanleg, dugleg og úrræðagóð. Fjölbreyttur bakgrunnur gerir hana afar hæfa til að takast á við ólík verkefni, setja sig inn í aðstæður þeirra sem hún starfar fyrir - og finna það sem skiptir máli og koma því á framfæri með fallegum og fagmannlegum hætti.

Það var Birna María Björnsdóttir, stafrænn hönnuður og eigandi Character vefstúdíó, sem á allan heiður að hönnun og uppsetningu á vefnum og viljum við þakka henni frábært samstarf.

Birna er búin að vinna einstaklega faglega og metnaðarfulla vinnu fyrir okkur hjá Gólfefnabúðinni. Við erum afar ánægð með að hafa fengið hana til liðs við okkur og gefum henni okkar bestu meðmæli.

Vinna um hönnun og uppsetningu á nýjum vef Senu gekk vel og við hjá Senu erum mjög ánægð með samstarfið við Birnu hjá Character vefstúdíó. Við erum himinlifandi með nýja vefsvæðið sem endurspeglar fjölbreytta starfsemi Senu, metnað og framkvæmdagleði á sviði viðburðahalds fyrir bæði fyrirtæki og einstaklinga.

Við hjá Glersýn þökkum fyrir framúrskarandi þjónustu á sviði vefhönnunar og markaðsmála. Birna er algjör snillingur og við gefum henni okkar bestu meðmæli.

Samstarfið við Birnu og Character skilaði að okkar mati mjög öflugri síðu sem mun nýtast íþróttafólki, þjálfurum og foreldrum á Íslandi um ókomin ár. Birna var mjög skipulögð, þolinmóð og fagleg á meðan vinnunni stóð. Við gefum henni hiklaust okkar bestu meðmæli og þökkum fyrir hennar öfluga framlag.

Hönnun og uppsetning á nýjum fyrirtækjavef Belgings gekk eins og í sögu. Vefurinn er núna mun einfaldari og stílhreinni og dregur fram lykilupplýsingar á hnitmiðaðan máta. Sagnfræðihornið er svo skemmtileg viðbót til að koma að örsögum um hin ýmsu verkefni sem við höfum unnið í gegnum tíðina.

Ég leitaði til Birnu þar sem ég þurfti aðstoð við að uppfæra vefsvæðið mitt sem var orðið úrelt. Birna tók strax á móti mér og veitti persónulega og góða þjónustu. Við unnum svo saman að því að ná útkomunni sem allir voru sáttir við. Hún veitti mér aðhald og ráðgjöf varðandi texta og annað sem þurfti að koma frá mér og leitaði lausna á því sem ég bað um. Eftir að vefurinn fór í loftið hefur hann virkað mjög vel og svo er alltaf hægt að ná í Birnu og hún reddar því sem þarf að redda fljótt og örugglega.

Loksins rættist draumurinn um vefsíðu sem endurspeglaði áherslur mínar og persónuleika og inniheldur allt sem þarf fyrir fyrirtækið mitt Huglind. Birna hjá Character er í senn skipulögð og öguð, hugmyndarík og hæf og það skilaði allskonar skemmtilegum útfærslum og virkni og ekki síst því að síðan varð að veruleika á fáeinum vikum. Svo, já ég mæli með drifkrafti hennar, hæfni og hugmyndum.