Það var einstaklega skemmtilegt að vinna með hinni litríku Kristínu Lindu að því að láta hennar drauma rætast um „Lindulega“ vefsíðu fyrir fjölbreytta starfsemi hennar sem sálfræðingur, fyrirlesari og ritstjóri. Að leitast við að draga fram og sýna hennar karakter 🥰.
Kristín Linda er sjálf reyndur ritstjóri til áratuga, fyrirlesari og sálfræðingur og hafði skýrar hugmyndir um það hvað hana langað til að þess að fá fram með nýju vefsvæði fyrir Huglind.
Draumur Kristínar Lindu var að búa til vefsvæði þar sem væri að finna upplýsingar um starfsemi hennar sem sálfræðing á sálfræðistofunni Huglind. Á vefsvæðinu væri jafnframt að finna upplýsingar um fyrirlestra, námskeið, vinnustofur og utanlandsferðir sem Kristín Linda býður upp á, ásamt því að hún gæti þar birt ýmsar lífstílstengdar greinar, ráðleggingar og blaðagreinar sem hún birtir reglulega í blöðum og tímaritum.
Með fallegu samtali og frábærri samvinnu náðum við Kristín Linda að búa til vefsvæði sem inniheldur þetta allt, á litríkan og umvefjandi máta, eins og Kristínu Lindu er einni lagið.
Skoða nýja vefinn: Huglind.is
Ég þakka kærlega fyrir traustið og fallegu samvinnuna 💖
Birna María
Loksins rættist draumurinn um vefsíðu sem endurspeglaði áherslur mínar og persónuleika og inniheldur allt sem þarf fyrir fyrirtækið mitt Huglind. Birna hjá Character er í senn skipulögð og öguð, hugmyndarík og hæf og það skilaði allskonar skemmtilegum útfærslum og virkni og ekki síst því að síðan varð að veruleika á fáeinum vikum. Svo, já ég mæli með drifkrafti hennar, hæfni og hugmyndum.
