Hæ!

Ég hef starfað við markaðsmál með einum eða öðrum hætti frá 2003 og hef víðtæka reynslu af vinnslu á sölu- og markaðsefni frá hinum ýmsu hliðum.

Í verkfærakistunni má finna öll helstu forrit og þjónustur sem tengjast stafrænni markaðssetningu, vefhönnun, mynd- og videóvinnslu. Ég hef bætt við mig fjölda námskeiða til viðbótar við háskólanámið og er fljót að tileinka mér ný vinnubrögð. Einnig hef ég mikla reyslu verkefnastýringu, rekstri og áætlunargerð. 

Ég hef yfir tveggja áratuga reynslu af því að setja upp og ritstýra vefsíðum í ýmsum vefkerfum, en fyrstu vefsíðuna setti ég upp árið 1997. Ljósmyndun og myndvinnsla hafa alltaf staðið mér nærri, bæði í leik og starfi.

Ég hef starfað sem markaðsstjóri og verkefnastjóri markaðsmála fyrir fjölda fyrirtækja við að markaðssetja ólíkar vörur og þjónustur. 

Einnig bý ég yfir  víðtækri reynslu af viðburðastjórnun en þar hef ég meðal annars verið afkastamikill jólatónleikahaldari og sett upp fjölda smærri og stærri viðburða, starfsdaga, árshátíða og hvataferða á vegum fyrri vinnuveitenda. 

Þessi fjölbreytti bakgrunnur gerir mér kleift að setja mig í spor annarra og sjá tækifærin frá sjónarhóli þess sem ég starfa fyrir hverju sinni. Þetta hefur reynst mér verðmætur eiginleiki sem mínir viðskiptavinir kunna vel að meta.

Útivist, golf, fjallahjólreiðar og skíði eru áhugamálin utan vinnunnar. 
Þar hleð ég orkubirgðirnar og fæ mínar bestu hugmyndir.